رحلة صيف 2015
(فرانكفورت ، جيثورن ، كولون ، رست ، ميلان ، فلورانس، كابرون ، ميونخ )
زي ما وعدتكم من سنة بنقلكم تفاصيل مخطط رحلتنا العام الماضي بتفاصيلها , بالبداية بوضح الخطة و الاحداثيات بالصور و برابط مرفق تقدرون تحملونه و تطبعونه ..و استفدت من مواقع كثيره منها travelzd
وغيرها كثير و أكيد هالسنه طورت النشرات ، لكن الفكرة و أنا اراها تختصر كثير و تريحك
انه تكون الاحداثيات جاهزة و الأفضل تسجلونها بالقارمن بحيث أنه بأي وقت ممكن تطلعون بدون تأخير البحث و الاختيار ، لأنه كذا الخيارات عندك ، و أيضا السنوات الماضية كان الانترنت خصوصاً بألمانيا مكلف جداً ، فتواجد الاحداثيات معاكم مطبوعة شيء يسهل لك التجول ،،
مدة الرحلة :
تقريباً 32 يوم
الملفات مرفقة و جاهزة لطباعة :
صور المخطط :
صور من الرحلة :
تعليق عام من وجهة نظري:
-التنقل متعب ممتع ، فضروري الكل شباب و إذا معاكم كبار بالسن مايصلح أبداً التنقل .
-ضروري الحجز (السيارة ، الطيران ، السكن ) مسبقاً ، لتوفر و تكون اقتصادية أكثر .
-الاحداثيات و تنوع الاهتمامات و الأماكن يختلف من شخص لأخر .
-الرحلة الماضية كانت أول مره أزور هولندا -جيثورن و امستردام بالتحديد - حبيتها كثير وحبيت الطبيعة أكثر ،و المكان جميل للاسترخاء و سهل اكتشاف المناطق المجاورة و التمشي فيها .
-اللي غير مرتبط بدوام الأفضل تكون زيارته قبل رمضان يكون الجو أبرد من الصيف و هدوء أكثر .
-النمسا طبيعتها جميله لكن السنة الماضية كانت مزدحمة فحلو تختارون مناطق غير معروفة و مايكون فيها سياح كثير ، كلها حلوه .
-إيطاليا تسوق مع انه حر لكن متعة التسوق تغطي كل شي : ) ، المطاعم الراقية شكل فقط لا طعم ف الأفضل تاخذون من المحلات العادية اللي في الدومو تصير لذيذه و أسعارها رخيصة جداً .
-ميونخ انزلو لل underground تلقون مطاعم لذيذة وخصوصاً الصيني في اخر صورة ، و أيضا فيها لاديراخ اكثر من محل ,, اكتشفوها.
و بالتوفيق في رحلاتكم ..
ليست هناك تعليقات:
إرسال تعليق